ЛЯАО-НИН МУЖ ӨМӨЗО-ТОЙ ХАМТРАН “ЗҮҮН ХОЙД ХУУРАЙ ГАЗАР-УСАН ЗАМЫН ШИНЭ КОРИДОР” БАЙГУУЛЛАА

     Монгол, Орос, Хятадын эдийн засгийн коридор байгуулах, хуурай газар болон усан замаар холбогдох ажлын хүрээнд БНХАУ-ын Ляао-Нин муж, ӨМӨЗО-ны бүс нутгийн хамтын ажиллагаа шинэ шатанд гарлаа. Тодруулбал, 2 дугаар сарын 4-ний өдөр, Ляао-Нин мужийн Жинжоу, Фушин, Чао-Яан хотууд болон ӨМӨЗО-ны Шилийн гол аймаг, Улаанхад, Тунляао зэрэг 6 хот хамтран “Зүүн хойд хуурай газар-Усан замын шинэ коридор”-ын нутгийн удирдлагын хамтын ажиллагааны холбоог байгуулав. 

     Дээрх 6 хотыг нээлттэй хөгжүүлж, харилцан ашигтай хамтын ажиллагаанд хүрэх стратегийн томоохон суурь бааз болгож, эдийн засгийг чанартай өсөн нэмэгдүүлэхэд тус коридорыг байгуулах нь чухал ач холбогдолтой гэж үзэж байгаа юм. Энэхүү коридор нь “Монгол, Орос, Хятадын эдийн засгийн коридор байгуулах төлөвлөгөөний хөтөлбөр”-т тусгагдсан Зүүн чиглэлийн төмөр замын коридорын хятад улс дахь дотоод хэсэг юм. 

     Уулзалтад оролцсон талууд хамтын ажиллагааны гэрээнд гарын үсэг зурж, бодлого, төлөвлөлт, бизнесийн орчин, гадаад худалдаа, соёлын солилцоо, дэд бүтцийн харилцан уялдаа, далайн боомтоос алслагдсан бүс нутгийн хамтын ажиллагааны талаарх зөвшилцөлд хүрэв. China Railway Group-ийн Шөн-Янь товчооны мэдээлснээр, төмөр замын өргөтгөл, Жинжоу боомтын тээвэрлэлттэй холбоотой иж бүрэн төслийг хэрэгжүүлэх ажлыг холбогдох байгууллагуудтай хамтран зохион байгуулах аж. Түүнчлэн энэ онд барилга угсралтын ажлыг эхлүүлж, төмөр замын шугамыг барьж байгуулахаа илэрхийллээ.   

Эх сурвалж: https://baijiahao.baidu.com/s?id=1690816461548262420&wfr=spider&for=pc
Орчуулсан: Б.Мэнд-Амар
 

#Сэтгэгдэл (1)

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Зөрчсөн сэтгэгдэлийг админ устгах эрхтэй.
2021.02.19 64.119.22.57
Зочин

Убтз-ын дарга асан Рашын хэлсэн замын үүдийн боомтын ложистикийг өргөтгөхийн оронд ачих буулгах тэрминалаа сайжруулж өргөтгөх нь зөв байсныг сана. Хятадын тал замын үүдээр нурмаг ачаа авахгүй. Зүүнбаян хангиар нурмаг ачаа авна гэсэн

#Сүүлд нэмэгдсэн мэдээнүүд