Зам тээврийн яамнаас жил бүр уламжлал болгон зохион байгуулдаг Зам, тээврийн салбарын спортын олон төрөлт тэмцээнийг өнгөрсөн долоо хоногт буюу 2024.11.05-2024.11.10-ны өдрүүдэд ИНЕГ-ын Спорт цогцолборт  амжилттай зохион байгуулж, шилдгүүдээ тодруулж байр эзлүүллээ.
Энэ удаагийн тэмцээнд нийт 12 багийн 730 гаруй тамирчин оролцож хурд хүч, авхаалж самбаагаа сорин уралдаж, медальт байруудын өрсөлдлөө.
Спорт арга хэмжээг  сагсан бөмбөг, гар бөмбөг, ширээний теннис, шатар, дартс, шагайн харваа зэрэг зургаан төрлөөр зохион байгуулсан бөгөөд багуудын хооронд хүчтэй, ширүүн өрсөлдөөн болж, дараах байруудыг эзэллээ. Тодруулбал, гар бөмбөгийн тэмцээний эрэгтэйчүүдийн ангилалд нэгдүгээр байрт Тавантолгой төмөр зам ХХК-ийн тамирчид, хоёрдугаар байрт ЗТЯ-ны тамирчид, гуравдугаар байрт МТЗ ХНН байр эзэлсэн бол эмэгтэйчүүдийн ангилалд УБТЗ ХХН нэгдүгээр байрт, АТҮТ хоёрдугаар байрт, ТТЗ ХХК-ийн тамирчид гуравдугаар байрт  шалгарч алт, мөнгө, хүрэл медалийн эзэд боллоо. 

Сагсан бөмбөгийн төрөлд эрэгтэйчүүдээс АТҮТ нэгдүгээр байр, УБТЗ ХНН хоёрдугаар байр, МИАТ гуравдугаар байр, эмэгтэйчүүдээс ИНЕГ нэгдүгээр байр, МИАТ ТӨХК хоёрдугаар байрт, УБТЗ ХНН гуравдугаар байр эзэлж, медальт байранд орлоо. 
Ширээний теннисний төрөлд эрэгтэй 11, эмэгтэй 11 багийн 66 тамирчин оролцож ур чадвараа уралдуулснаас эрэгтэй нэгдүгээр байрт ИНҮТ, хоёрдугаар байрт МИАТ, гуравдугаар байрт ЗТХТөв, эмэгтэй багийн төрөлд нэгдүгээр байрт УБТЗ, хоёрдугаар байрт ЗТЯ, гуравдугаар байрт АТҮТ тус тус шалгарч алт, мөнгө, хүрэл медалийн эзэд боллоо.

Шатрын тэмцээн анх удаа багийн төрлөөр зохион байгуулагдаж эрэгтэй, эмэгтэй тус бүр 10 багийн 60 шатарчин Швейцар системээр 5 өрөг оюун ухаанаа уралдуулснаас эрэгтэй багийн төрөлд нэгдүгээр байрт МИАТ ТӨХК, хоёрдугаар байрт ТТЗ ХХК, гуравдугаар байрт МТЗ ТӨХК, эмэгтэй багийн төрөлд нэгдүгээр байрт МИАТ ТӨХК, хоёрдугаар байрт ИНҮТ, гуравдугаар байрт УБТЗ ХХН тус тус шалгарч алт, мөнгө, хүрэл медалийн болзол хангалаа. 
Дартсын төрөлд эрэгтэй 11, эмэгтэй 11 багийн 66 тамирчин оролцож ур чадвараа уралдуулснаас эрэгтэйчүүдийн нэгдүгээр байрт ТТЗ ХХК, хоёрдугаар байрт МТЗ ТӨХК, гуравдугаар байрт ЗТЯ, эмэгтэйчүүдийн нэгдүгээр байрт УБТЗ ХНН, хоёрдугаар байрт АТҮТ, гуравдугаар байрт ТТЗ ХХК тус тус шалгарч байр эзэллээ.
Шагайн харвааны төрөлд 64 тамирчин оролцож цэц мэргэнээ сорьсноор нэгдүгээр байрт МТЗ ТӨХК, хоёрдугаар байрт МИАТ ТӨХК, гуравдугаар байрт ТТЗ ХХК тус тус шалгарч алт, мөнгө, хүрэл медалийн болзол хангалаа.
Ийнхүү тэмцээний шилдгүүдийг тодруулснаар багийн нийт оноогоор МИАТ ТӨХК нэгдүгээр байр, УБТЗ ХНН хоёрдугаар байр, Тавантолгой төмөр зам ХХК гуравдугаар байрыг тус тус эзэлж, өргөмжлөл, шилжин явах цомын эзэд боллоо. 
Энэ удаагийн тэмцээнийг АТҮТ зохион байгуулсан бөгөөд ирэх жилийн тэмцээнийг ”Тавантолгой төмөр зам” ХХК зохион байгуулах юм.