“Тавантолгой төмөр зам” ХХК-ийн Төсөл хөгжлийн газрын Бизнес хөгжил,  маркетингийн Хэлтсээс улирал бүр зохион байгуулдаг  “Ажил хэрэгч уулзалт”-ыг 2024.12.11-ний өдөр зохион байгууллаа. Энэ удаагийн арга хэмжээг “Статистикийн мэдээлэл боловсруулах арга зүй” сэдвээр зохион байгуулж, байгууллагын албан хаагчдыг хамрууллаа.

Уулзалтад Үндэсний Статистикийн Хорооны Олон нийттэй харилцах хэлтсийн дарга Г.Отгонбаяр оролцлоо. Тус уулзалт статистикийн хэрэглээ, ач холбогдол, статистикийн үйл ажиллагааны өнөөгийн байдал, мэдээлэл боловсруулах арга зүй гэсэн агуулгатайгаар, онол практикийг хослуулсан чухал ач холбогдолтойгоор зохион байгуулагдлаа.

Статистик бол үр ашигтай шийдвэр гаргахад шаардлагатай тоон мэдээллийг цуглуулах, боловсруулах, нэгтгэн дүгнэх, дүн шинжилгээ хийх, тайлбарлах, танилцуулах арга зүйн тухай шинжлэх ухаан юм. Статистикийн мэдээллийг ШУ-ны үндэслэлтэй арга зүйтэй, чанарын хяналт баталгаажуулалттай, эх үүсвэр нь найдвартай тогтвортой, хэрэглэгчдэд адил тэгш үйлчилдэг, нотолгоонд суурилсан бодлого шийдвэрийн залгамжийг тасралтгүй хадгалдаг учраас албан байгууллага бүр ашигладаг байна. Тиймээс “Тавантолгой төмөр зам” ХХК-ийн ажилчид энэхүү сургалтаас сурч мэдсэн онолыг ажлын талбартаа ашиглан ажиллахад чухал ач холбогдолтой үйл ажиллагаа боллоо.