“Тавантолгой төмөр зам” ХХК-ийн Төлөөлөн удирдах зөвлөлийн 2025 оны нэгдүгээр сарын 14-ний өдрийн  02 тоот тогтоолоор тус компанийн Гүйцэтгэх захирлын үүрэг гүйцэтгэгчээр  Батсуурь овогтой Дүгэржавыг томилсон. Энэхүү  тогтоолын дагуу тэрбээр үүрэгт ажлаа хүлээж авлаа.

Б.Дүгэржав нь Эрхзүйч, математикч мэргэжилтэй, боловсролын удирдлагын магистрын зэрэгтэй.

1997-2008 онд Ховд аймгийн Мянгад сумын ЕБС-ын эрхлэгч, захирал

2008-2012 онд Ховд аймгийн Боловсрол, соёлын газрын дарга

2012 онд  Ховд хотын захирагч бөгөөд Жаргалант сумын Засаг дарга

2013-2017 онд барилга угсралтын “ББМЗЗТ” ХК-ийн захирал

2018-2022 онд Ховд аймгийн Засаг дарга

2012-2016, 2016-2020,2020-2024 онуудад аймгийн ИТХ-ын төлөөлөгчөөр 3 удаа сонгогдон ажиллаж байсан туршлагатай.

Б.Дүгэржавт Тавантолгой төмөр зам ХХК-ийн Гүйцэтгэх захирал Н.Будбаяр компанийн тамга тэмдгийг гардуулан өгч, энэ онд компанийн хэрэгжүүлэх стратегийн чухал ач холбогдолтой Гашуунсухайт-Ганцмод боомтын хил холболтын төслийг амжилттай үргэлжлүүлэн хэрэгжүүлнэ хэмээн итгэж байгаагаа илэрхийлээд ажлын амжилт хүслээ.