“Тавантолгой төмөр зам” ХХК-ийн Гүйцэтгэх захирлын 2022 оны А/68 дугаар тушаалаар баталсан нэр бүхий нийтийн албан тушаалтнууд Авлигын эсрэг хуулийн 10 дугаар зүйлийн 10.3-т “Мэдүүлэг гаргагч хөрөнгө, орлогын мэдүүлгээ тухайн албан тушаалд томилогдсон буюу сонгогдсон өдрөөс хойш 30 хоногийн дотор, цаашид тухайн алба хааж байгаа хугацаандаа жил бүрийн 02 дугаар сарын 15-ны дотор шинэчлэн гаргаж, энэ хуулийн 11 дүгээр зүйлд заасан байгууллага, албан тушаалтанд өгөх үүрэгтэй” гэж заасан байдаг. Үүний дагуу тус компанийн 19 нийтийн албан тушаалтан ХАС, ХОМ-ээ Авлигатай тэмцэх газрын “Хувийн ашиг сонирхлын мэдүүлэг болон хөрөнгө, орлогын мэдүүлгийн бүрдүүлэлтийн систем”-ээр Авлигын эсрэг хуульд заасан хугацаанд бүрэн мэдүүлж дууслаа.