“Тавантолгой төмөр зам” ХХК-ийн биеийн тамир, спортын “Бага наадам” энэ жил анх удаа спортын 6 төрлөөр, 3 өдрийн турш зохион байгуулагдаж, шилдгүүдээ тодрууллаа.

  Тэмцээнд нийт 5 газрын 200 орчим тамирчин хурд хүч, авьяас чадвараа сорин өрсөлдсөнөөс Г.Цолмонбаяр даргатай Тээврийн удирдлагын газар нийлбэр дүнгээр тэргүүлж, шилжин явах цомын эзэн болсон бол Захиргаа, удирдлагын газар, Суурь бүтцийн газар удаах байруудад тус тус шалгарав.

   “Тавантолгой төмөр зам” ХХК нь цаашид энэхүү “Бага наадам”-ыг жил бүр уламжлал болгон зохион байгуулах бөгөөд хамт олныхоо хэрэгцээнд нийцүүлэн биеийн тамир, спортын үр нөлөөг дээшлүүлэх, бие бялдрын хөгжил сайтай, эрүүл чийрэг, ёс суртахуунтай, спортоор тогтмол хичээллэдэг хамт олныг төлөвшүүлэх ажлыг хийж хэрэгжүүлэхээр төлөвлөн ажиллаж байна.