Монгол Улсын Ерөнхийлөгчийн зарлигаар өнөөдөр /2021.05.27/ хөгжлийн манлайлагч, үндэсний бүтээн байгуулагчдыг төрийн одон медалиар шагнаж урамшууллаа. Тодруулбал “Тавантолгой-Зүүнбаян”, “Тавантолгой-Гашуунсухайт” чиглэлийн төмөр замын бүтээн байгуулалтын төслийг маш амжилттай хэрэгжүүлж, төмөр замын салбарт ханцуй шамлан зүтгэж буй “Тавантолгой төмөр зам” ХХК-ийн албан хаагчид төрийн одонгоор энгэрээ мялаасан юм. Хөдөлмөрийн гавьяаны улаан тугийн одонгоор “Тавантолгой төмөр зам” ХХК-ийн кемпийн захиргааны хэлтсийн дарга Ч.Батсайхан, “Алтан гадас” одонгоор “Тавантолгой төмөр зам" ХХК-ийн Санхүү, хөрөнгө оруулалт хариуцсан дэд захирал Ц.Орхонтамир, “Тавантолгой төмөр зам" ХХК-ийн Захиргаа удирдлагын газрын жолооч С.Дорж, “Хөдөлмөрийн хүндэт” медалиар ажил үйлсээрээ манлайлсан инженер, албан хаагчид тус тус шагнагдсан юм.  Эх орныхоо бүтээн байгуулалт хөгжлийн их үйлсэд хүчин зүтгэж буй манлайлагч нийт албан хаагчиддаа халуун талархал илэрхийлье.