Дартсын спортын 2023 оны Улсын аварга шалгаруулах 17 дахь удаагийн тэмцээн 2023.01.27-29-ний өдрүүдэд зохион байгуулагдлаа. Тус тэмцээнд “Тавантолгой төмөр зам” ХХК-иас Ерөнхий инженер, Дартсын спортын ОУХМ Б.Болор-Эрдэнэ, Тээврийн удирдлагын газрын дарга, Дартсын спортын дэд мастер Г.Цолмонбаяр, ССХХ-ийн дарга Б.Анхбаяр нар оролцсоноос Статистик, систем хөгжүүлэлтийн хэлтсийн дарга, Дартсын спортын дэд мастер Б.Анхбаяр эрэгтэй дан хосын төрөлд хүрэл медаль хүртэв.

   Б.Анхбаяр нь 2022 онд Дартсын спортын УАШТ-ий ганцаарчилсан төрөлд амжилттай оролцож, шилдэг 8-д үлдсэн бөгөөд 501 оноог 10 сумаар дуусгаж, Монгол Улсын рекордыг шинэчлэн тогтоосон. Энэхүү рекорд амжилт одоо ч эвдэгдээгүй хэвээр бөгөөд дартсын спортод 501 оноог 9 сумаар дуусгах боломжтой, дэлхийн дээд рекорд 9 сум байдаг аж.

   Статистик, систем хөгжүүлэлтийн хэлтсийн дарга Б.Анхбаяр болон Ерөнхий инженер Б.Болор-Эрдэнэ нар 2016 онд Дартсын спортын УАШТ-д дан хосын төрөлд амжилттай оролцож, 501 оноог 12 сумаар дуусган, улсын рекордыг шинэчлэн тогтоож байсан нь өдгөө ч мөн эвдэгдээгүй хэвээр байгаа юм.