Манай компанийн хамт олон хүн төрөлхний өмнө тулгарч буй хамгийн том сорилт дэлхийн уур амьсгалын өөрчлөлтийн эсрэг үйл хэрэгт идэвх санаачилгатай оролцож байна. Энэ жилийн “Үндэсний мод тарих өдөр”-ийг тохиолдуулан, “Тэрбум мод” Үндэсний хөдөлгөөний хүрээнд Тавантолгой-Гашуунсухайтын төмөр замын Тавантолгой өртөөнд 4 өдрийн турш шаардлагатай бэлтгэл ажлыг урьдчилан хангаж, 2023.05.13, 14-ний өдрүүдэд мод тарих ажлыг зохион байгуулж байна. Тавантолгой өртөөний хамгаалалтын хашаа дагуу СУХАЙ 1500, УЛИАС 600 ширхгийг тарьж, энэ жилийн хавар, намрын тариалалтад нийт 4000 суулгац тарихаар төлөвлөсөн.

Цаашид арчилгааг цаг тухай бүр, технологийн дагуу гүйцэтгэх ажлыг газар, хэлтсүүдэд хуваарилан өгч, Тавантолгой өртөөний цэвэрлэх байгууламжаас ялгарсан саарал усыг MNS4943:2015 стандартын шаардлагад нийцүүлэн, ногоон байгууламжийн усалгаа, мод усалгаанд ашиглахаар төлөвлөн ажиллаж байна.