Манай компани ажилтнууддаа хөдөлмөрийн аюулгүй байдал, эрүүл ахуйн талаарх холбогдох хууль, дүрэм, журмыг таниулах ажлыг төлөвлөгөөний дагуу тогтмол зохион байгуулж байна. Үүний хүрээнд “МКЛ” ХХК-ийн сургалтын төвтэй хамтран Тавантолгой өртөөний инженер, техникийн ажилтнуудад “Өндөрт ажиллах үеийн аюулгүй ажиллагаа” сэдвээр сургалт хийв.

Тус сургалтаар өндрийн аюулгүй ажиллагааны эрсдэлийг илрүүлэх, үнэлэх, өндрөөс унахаас сэргийлэх систем, түүнийг зөв сонгох, бүх төрлийн ажлын тавцан, сагстай өргөгч, өргөх механизмыг аюулгүй ашиглах, уналтаас хамгаалах систем, бэхэлгээний систем, түүний найдвартай байдлыг сонгох, зөөврийн шат сонгох, аюулгүй ашиглах, савлах нөлөө болон дүүжлэгдэх шок, аврах төлөвлөгөө боловсруулах зэрэг сэдвээр онолыг танхимд, дадлагыг ажлын байранд явууллаа.