Монгол-Оросын хувь нийлүүлсэн “Улаанбаатар төмөр зам” нийгэмлэгийн Техникийн бодлого, стандартчиллын албаны харьяа Хэмжил зүйн төвтэй хамтран ажиллах хүрээнд “Тавантолгой төмөр зам” ХХК-ийн Дохиолол холбоо, эрчим хүч, Төлөвлөлт, Зүтгүүрийн аж ахуй, Вагоны аж ахуй, Зам, барилга зэрэг хэлтсийн ажилтнууд тус төвийн үйл ажиллагаатай танилцаж, харилцан туршлага солилцлоо.

“УБТЗ” ХНН-ийн Хэмжил зүйн төв нь Үл эвдэх сорилтын багаж хэрэгслийн засвар, тохируулга, баталгаажуулалт, Үл эвдэх сорилтын эрх олгох сургалт, Хэмжил зүйн ажилтны мэргэшүүлэх сургалт, Хэмжих хэрэгслийн шалгалт, тохируулга, баталгаажуулалт, Мэргэжлийн зөвлөх үйлчилгээ, Эвдэх сорилтын лаборатори, Механик хэмжих хэрэгслийн лабораторийн чиглэлээр үйл ажиллагаа явуулдаг аж.