Монгол улсад төмөр замын салбар үүсэж хөгжсөний түүхт 86 жил, “Улаанбаатар төмөр зам” ХНН-ийн 75 жил, “Тавантолгой төмөр зам” ХХК-ийн 6 жил, төмөр замын мэргэжлийн баяр “Хөлийн голын тохой”-д өргөн дэлгэр болж өнгөрлөө.

         Баяр наадамд “Улаанбаатар төмөр зам” ХНН, “Монголын төмөр зам” ТӨХК, “Тавантолгой төмөр зам” ХХК-иуд болон бусад төмөр замын байгууллагууд оролцож, төмөр замын салбарын нийт ажиллагсаддаа хүндэтгэл үзүүллээ.

         Баярын үеэр “Тавантолгой төмөр зам” компанийн Гүйцэтгэх захирал Н.Будбаяр Төрийн дээд шагнал "АЛТАНГАДАС ОДОН", Хяналт, шинжилгээ үнэлгээ дотоод аудитын албаны дарга Н.Мөнхсүрэн "ХӨДӨЛМӨРИЙН ГАВЬЯАНЫ УЛААН ТУГИЙН ОДОН"-р шагнагдсаныг Зам тээврийн сайд Б.Дэлгэрсайхан гардуулж, баяр хүргэлээ.

         Компанийн хамт олон хүндэтгэлийн гэрт зочид төлөөлөгчдөө хүлээн авч хүндэтгэл үзүүлэн, наадмын тэмцээн уралдаануудад амжилттай оролцон, төмөр замчдын мэргэжлийн баяраа тэмдэглэлээ.