“Тавантолгой-Гашуунсухайт” чиглэлийн төмөр замын цогцолбор төслийн тавдугаар багцын хүрээнд нийлүүлэгдэх АНУ-ын “Progress rail” компанийн гол замын “SD70Ace/LW” загварын сүүлийн ээлжийн 6 зүтгүүрийг хүлээн авлаа.

    Ийнхүү "Тавантолгой төмөр зам" ХХК нь орчин үеийн инновац, технологийн шийдлийг бүрэн шингээсэн 4500 морины буюу 3355 кВт-ийн хүчин чадалтай АНУ-ын шинэ цагийн 16 зүтгүүрээр хөдлөх бүрэлдэхүүний паркийн хүчин чадлаа бэхжүүллээ. Эдгээр зүтгүүрүүдийг тээвэрлэлтийн үйл ажиллагаанд бүрэн ашигласнаар “Тавантолгой төмөр зам” ХХК-ийн төмөр замын тээвэрлэлтийн тоон үзүүлэлтэд томоохон өөрчлөлт гарах юм.

    “Progress rail” компанийн “SD70Ace/LW” загварын зүтгүүрүүд нь Монгол орны говь хээрийн байгаль, цаг уурын нөхцөл байдалд бүрэн зохицон ажиллах чадвартай, дэлхийн 70 гаруй улсад 90 жилийн туршид ашиглагдаж байгаа бүрэн автомажсан илчит тэрэг юм.