“Тавантолгой төмөр зам” ХХК-ийн Гүйцэтгэх захирлын ээлжит намрын үзлэг шалгалт энэ өдрүүдэд эхэллээ. Компанийн эзэмшлийн Тавантолгой- Гашуунсухайт чиглэлийн төмөр замын техникийн аюулгүй байдлыг хангаж хэвийн ажиллах нөхцлийг бүрдүүлэх зорилготой энэхүү үзлэг шалгалт Гашуунсухайт өртөөнөөс эхэлж байна.

Тус ажлын хүрээнд төмөр замын аюулгүй байдал, галт тэрэгний болон сэлгээний аюулгүй ажиллагаа, ажилчдын хөдөлмөрийн аюулгүй байдал, эрүүл ахуйн чиглэлээр үзлэг, шалгалтууд хийгдэнэ.

Мөн өртөө, зөрлөг бүр дээр үзлэгийн дүнгийн хурал зохион байгуулж хөдөлгөөний аюулгүй байдлыг хэрхэн хангаж буй талаарх мэдээллийг чиглэл хариуцсан байцаагч, ХЭМАБ-ын хэлтсийн дарга болон бусад холбогдох газар, хэлтсийн удирдлагуудаас авч үзлэгийн дүнг тухай бүр танилцуулан гарсан зөрчил дутагдлыг арилгах хугацаатай үүрэг, чиглэл өгч ажиллах юм.