“Тавантолгой төмөр зам” ХХК энэ оны 08 дугаар сарын 27-ны өдөр 1 сая дахь тонн ачаагаа тээвэрлэлээ. "Монголиан транс лайн" ХХК-ийн чингэлэгтэй экспортын нүүрс ачсан 49 вагон бүхий 6101-р галт тэрэг 01:18 цагт Тавантолгой өртөөнөөс хөдөлж, 01:52 цагт Цогтцэций өртөөнд хүрснээр манай компанийн 2023 онд тээвэрлэсэн ачаа 1 сая тоннд хүрэв. Тодруулбал, Тавантолгой-Гашуунсухайт-Тавантолгой чиглэлд 310,6 мянган тонн, Тавантолгой-Цогтцэций-Тавантолгой чиглэлд 690,2 мянган тонн ачааг тус тус тээвэрлээд байна.

“Тавантолгой төмөр зам” ХХК 2022 оны 07 дугаар сарын 09-ний өдрөөс Тавантолгой-Гашуунсухайт чиглэлийн төмөр замаар туршилтын тээвэрлэлтийг эхлүүлж, энэ оны 05 дугаар сард суурь бүтцийг байнгын ашиглалтад оруулсан.